Година ипол откако си замина од Шкендија, Тотре денес се врати во тетовскиот клуб и клубот под Шара го претстави како ново засилување.
Зошто проблемот со улични кучиња СÈ УШТЕ постои? | Уште еден поткаст
Тотре под Шара се враќа од Ворскла и ќе биде на позајмица до крајот на сезоната кога ќе му заврши договорот со украинскиот клуб.
Во Украина Тотре пристигна од Тирана во трансфер вреден 250.000 евра. Сепак, во есенскиот дел од сезоната одигра само три натпревари и ќе се обиде да ја врати формата во клубот каде што ги направи првите чекори.
„Навистина убаво е чувството да се вратите повторно дома, ова е клубот каде што пораснав и се афирмирав како фудбалер.
Шкендија секогаш ќе има посебно место во мојот живот и многу среќен што ќе го носам овој дрес повторно. Благодарен сум на клубот на дадената можност и се надевам заедно ќе ги оствариме нашите цели“, изјави Тотре.
Дебито на Тотре кој сега има 27 години беше на само 17 и во Тетово помина седум сезони во кои освои три титули во првенството и две во Купот на Македонија. Со Тирана во 2021 година стана шампион на Албанија.
Учество во игри на среќа е дозволено за лица со 18+ години. Играј одговорно!