Торес од Јапонија се сели во Мексико

Искусниот напаѓач Фернандо Торес не размислува да стави крај на кариерата и следна етапа во неговата кариера ќе биде Мексико, пренесуваат шпанските медиуми.

Поранешниот напаѓач на Атлетико Мадрид, Ливерпул и Челзи, моментално настапува во јапонскиот Саган Тосу, но во летниот преоден рок би можел да се пресели во мексикански Атлетико (Сан Луис).

Според медиумите, голема улога во евентуален трансфер може да одигра фактот дека сопственикот на Атлетико има удел во мексиканскиот клуб, од каде Торес има конкретна понуда.

35-годишниот Шпанец оваа сезина настапи на 8 натпревари за Саган Тосу и се уште не постигнал гол.