Стигна првата понуда за Анчелоти и тоа од Премиер лигата!

Ќе се врати и Италијанецот во Англија?

Фудбалскиот клуб Вест Хем брзо реагираше и го контактираше Карло Анчелоти, тие се спремни да му понудат на Анчелоти враќање во Премиер лигата.

Славен Билиќ очајно стартуваше со „чеканите“ и неговиот отказ веројатно е само прашање на време, а доколку Анчелоти ја прифати понудата јасно е дека тоа ќе значи и крај за Хрватот на клупата на клубот од Лондон.

Покрај Анчелоти Вест Хем се обидува да го доведе и Рафаел Бенитез, но Шпанецот во овој момент ги поправи односите со управата на Њукасл и нема намера да го напушти клубот.

Кога во прашање е Анчелоти, сите го поврзуваат со клупата на Милан, а од претходно е познато дека доколку ја избере Кина таму го чекаат многу пари.

Да потсетиме, Анчелоти своевремно беше менаџер на Челзи, клуб со кој стигна до титулата во ФА купот во 2010 година.