Стигна порака од Катар до Лапорта: Ако го сакаш Чави дојди по него – никој друг не може да преговара!

Сопственикот на катарскиот Ал-Сад бара од претседателот на Барселона, Жоан Лапорта да дојде во Доха за да ја заврши работата.

После смената на Роналд Куман, Барселона се обидува да го доведе Чави. Првиот официјален контакт веќе е направен, но од Катар бараат лично Лапорта да дојде во Доха.

„Ако сака Барселона да ја заврши операцијата со Чави на пријателски начин и без проблеми мора да дојде во Доха. Шеикот сака рамнопаравен договор со Барселона и не сака да преговара со никој друг освен со Лапорта“, гласи пораката од Доха.

Следниот натпревар на Барселона во Лигата на шампионите е против Динамо Киев, а Барселона дали пред или после тој меч ќе мора да најде начин и време да отпатува во Доха по Чави. Инаку, денес шпанските медиуми најавија дека Барселона би можела Чави да го промовира во четврток.