Спинацола: Утре ќе бидам на „Вембли“, ако победиме ќе скокам и на една нога

Леонардо Спинацола беше еден од најдобрите играчи во Италија на Европското првенство, но во дуелот против Белгија се здоби со тешка повреда.

Спинацола ја повреди ахиловата тетива и ќе биде надвор од терените осум месеци. Операцијата на Спинацола веќе му беше направена во Финска и сега го чека период не рехабилитација.

Спинацола сега најави дека утре за финалето ќе биде на „Вембли“.

„Ќе бидам на „Вембли“ и со патерици ќе навивам за моите соиграчи. Знам дека ќе биде тоа еде нтежок натпревар, меѓутоа тоа што Англичаните ќе бидат во поголем број и ќе навиват може да биде и дополнителен мотив. Сигурно дека ако победиме ќе се симнам доле да славам со соиграчите. Ако треба ќе скокам и на една нога. Оваа репрезентација е едно големо семејство“, изјави Спинацола.