Дома Фудбал Спинацола: Киелини е голем човек, ми кажа да одам прв по медалот

Спинацола: Киелини е голем човек, ми кажа да одам прв по медалот

Италија во неделата ја победи Англија и дојде до титулата на Европското првенство.

Преку целиот турнир Италија играше одлично, а еден од најдобрите играчи на репрезентацијата до моментот кога се повреди против Белгија беше Леонардо Спинацола.

Спинацола против Белгија заработи тешка повреда на Ахиловата тетива и ќе биде надвор од терените најмалку шест-седум месеци.

Фудбалерот на Рома сепак беше со соиграчите на „Вембли“ во финалето. После натпреварот тој се симна теренот и го прими заслужениот медал.

„Капитенот Киелини е голем човем, дојде и ми кажа: Ти оди прв по медалот, го заслужи. Скокав како луд, чувството беше прекрасно“, изјави Спинацола.

Зборуваше и за тешкиот момент на повредата кога во солзи беше изнесен на носилки.

„Во тие моменти си мислев: Зошто баш сега? Зошто јас? Плачев поради она што го губам…Очекувањата се за една недела да ги извадам конците и да започна со лесни тренинзи“, откри бекот на Рома.

Коментари
Прочитајте поврзани статии
Load More In Фудбал

Проверете

Пери шиќ повторно кај Гатузо? Годините се пречка за трансфер во Лацио

Лацио бара засилување на крилните позиции, но според италијанските медиуми Гатузо не е убе…