Сопствениците на Интер го прават Бејл најплатен фудбалер на светот!

Герет Бејл е на излезна врата од Реал Мадрид, откако „кралевите“ јасно му порачаа дека нема да сметаат на него следната сезона.

Бејл има договор со Реал Мадрид до 2022 година според кој заработува 17 милиони евра по сезона, сума која заинтересираните клубови од Европа не можат да му ја понудат.

Но, медиумите тврдат дека на негова адреса пристигнала богата понуда од Кина според која Велшанецот може да стане најплатен фудбалер во светот.

Имено, Џиангсу Сунинг, клубот кој има исти сопственици како милански Интер, на Бејл му нуди годишна плата од невројатни 35 милиони евра по сезона. Станува збор за нето плата, а бруто трошоците ќе го чинат „Сунинг“ околу 50 милиони евра годишно.

Шпекулациите додатно се разгореа откако Џиангсу Сунинг на својот Инстаграм профил почна да го следи Герет Бејл.

Сега се е во рацете на Бејл, кој треба да одлучи дали да се пресели во Кина или да продолжи да игра врвен европски фудбал.

⚠️ CLAMOROSO DALLA CINA

Il Jiangsu #Suning, squadra con la stessa proprietà dell’#Inter, sarebbe a un passo da Gareth #Bale. La società cinese avrebbe offerto al gallese un contratto da 35 milioni di euro all’anno ?#Sportitalia pic.twitter.com/I8HSIMFH6E

— Sportitalia (@tvdellosport) July 22, 2019