„Скај Спорт“ открива: „Дербито на Премиер лигата“ за потписот на Роберт Левандовски!

Со промената на својот агент Роберт Левандовски предизвика бројни шпекулации во медиумите кога во прашање е неговата иднина во Баерн Минхен.

Хејнкес неодамна изјави дека не може да замисли сценарио во кое Левандовски би го напуштил Баерн, но денес реномираниот „Скај Спорт“, пренесуваи интересна информација.

Имено, според споменатиот медиуми за потписот на Левандовски ќе се борат англиските гиганти Манчестер Јунајтед и Челзи. Се шпекулира дека Левандовски е незадоволен во Баерн и дека сака нов предизвик во кариерата.

Роберт Левандовски со Баерн има договор до 2021 година, а дресот на гигантот од Минхен го носи од 2014 и до сега одигра 181 натпревари и постигна 139 погодоци.

Како што кажавме, Левандовски го промени агентот и сега негов застапник е еден од најдолговечните менаџери на трансфер пазарот, Пини Захави.