Скандал: Хрвати нападнале Црногорци по изгубен меч во Дубровник!

Ватерполо репрезентациите на Хрватска и Црна Гора го одиграа дербито од групата А на Европското првенство кое заврши со победа на Црногорците со 15:13, но мечот го обележа голем скандал.

Имено, на крајот на мечот додека црногорските навивачи го славеа голот за победа бесните домашни навивачи тргнале кон нив. По инцидентот, четворица Хрвати беа уапсени поради нападот во базенот во Груж.

„Четворица државјани на Република Хрватска се уапсени поради нарушување на јавниот ред и мир и предизвиквуање нереди на натпреарот помеѓу Хрватска и Црна Гора. Денес ќе бидат изнесени пред Општинскиот суд во Дубровник“, пишува „Индекс“.

Исто така се потенцира дека еден од четворицата навивачи бил под очигледно дејство на алкохол.