Сите фудбалери на Барселона ќе седнат на заедничка вечера пред „Ел Класико“

За во недела е закажано големото „Ел Класико“, прво оваа сезона. Фудбалерите на Барселона сакаат да ја заголемат сплотеноста пред ова дерби.

На Барселона сезонава не и оди баш најдобро Каталонците играат променливо. Сепак, победите против Валенсија во Ла Лига и Динамо Киев во Лига на шампионите дојдоа во вистинско време за да се влезе со поголема самодоверба во пресметката со лутиот ривал.

Каталонски „Спорт“ денес пишува Куман им дал слободен ден на фудбалерите по вчерашната победа против украинскиот претставник во ЛШ. Фудбалерите тој слободен ден се договориле и како да го искористат.

Како што е објавено сите играчи на Барселона се договориле да излезат на вечера во центарот на градот со цел да се зголеми сплотеноста во тимот пред натпреварот против Реал Мадрид. Натпреварот со „кралевите“ е закажан за в недела од 16:15 часот.