Сите зборуваат за Меси, но голот на Суарез е вистинска магија

Фудбалерите на Барселона синоќа како гости со 4:1 го победија Бетис на крилата на Меси и Суарез.

Меси фудбалската јавност ја остави без текст со синоќешната представа во која постигна три погодоци, а не се знае кој погодок е подобар. Аргентинецот на крајот доби аплаузи од навивачите на Бетис после спектакуларниот погодок за 4:1.

Сепак, во тотална сенка остана голот на Суарез, кој исто така беше вистинско ремек дело. Уругваецот нанижа неколку фудбалери на Бетис и направи дар-мар за потоа лесно да ја смести топката во мрежата на Лопез.

Но, Суарез на крајот мораше да излезе од игра поради повреда, а се уште не се знае колку долго ќе биде надвор од теренот. Неговата повреда дојде во незгоден момент кога пред Барса се натпреварите против Јунајтед во ЛШ.

Goal ⚽️
Luis Suarez 63′#RealBetisBarca pic.twitter.com/vy7Qb7pGg4

— BlaugranaVideos (@BarcaVideos1) March 18, 2019