Симеоне за победата на Ливерпул: Фудбалот е како бокс, мора да знаеш кога да нападнеш

Тренерот на Атлетико Мадрид, Диего Симеоне објасни како неговиот тим го елиминираше Ливерпул во осминафиналето од Лигата на шампиони.

Актуелниот европски шампион беше голем фаворит во двомечот, но тимот на Симеоне успеа да слави на „Енфилд“.

Јирген Клоп после тој меч го критикуваше дефанзивниот пристап на „јорганџиите“, па Аргентинецот денес даде одговор.

„Фудбалот е како бокс, затоа што мора да знаете кога да нападнете. Во Атлетико ги знаеме способностите што ги имаме како тим. Најновиот пример е кога игравме против Ливерпул – тие се неверојатен тим, но знаевме дека би можеле да ги удриме. Кога ќе разговараат за тоа колку бевме среќни, би им рекол дека ние сме тим кој загуби 0:2, но успеа да постигне три гола. Ова не е среќа. Треба да се гледа целиот дуел“, изјави Диего Симеоне.