Силва: Роналдо може да го чува еден играч, со Меси не е така

Челзи и Манчестер Јунајтед ремизираа во вчерашното дерби од 13. коло во англиската Премиер лига.

Пред овој натпревар Мајкл Керик изненади со одлуката Роналдо да го остави на клупата, а Португалецот доби шанса во последниот половина час од ова дерби. После натпреварот во центарот на вниманието беше Тијаго Силва кој новинарите го прашаа дали е потешко да се чува Роналдо или Меси.

Силва имаше неколку дуели против Меси и Роналдо додека играше во Милан и ПСЖ.

„Разликата кога во прашање Меси е дека него не можете да го запрете кога ќе тргне еден на еден на еден или еден на два. Кај Роналдо не велам дека е лесно, но него е доволно да го чува еден играч. Двајцата се големи шампиони, но потешко е да се чува Меси отколку Роналдо“, изјави Силва.