Се спрема распродажба во Челзи: „Сините“ сакаат да продадат 14 фудбалери до крајот на преодниот рок

Екипата на Челзи е еден од ретките феномени во светскиот фудбал бидејќи во својот тим има дури 50 фудбалери.

Слично беше и во минатите сезони кога клубот под договор имаше голем број фудбалери, меѓутоа тогаш ги пушташе играчите во своите филијали. Сепак, такво нешто сега е забрането, а некои од тие клубови се и во тешка состојба, па Челзи има проблем да се ослободи од вишокот.

Според последните информации од Островот, Челзи сака да се ослободи од 14 фудбалери кои ќе ги продаде или ќе ги пушти на позајмица.

Првиот кој треба да замине е Ромелу Лукаку во Наполи за 35 милиони евра. Потоа Кепа Аризабалга најверојатно се сели во Бормут, Чилвел и Стерлинг се споменува дека можат да бидат искористени во трансферот на Санчо, Ипсвич сака да го доведе Борха…Но, тука остануваат уште: Тревоор Чалобах, Ѓорѓе Петровиќ, Карни Чуквуемека, Давид Фофана, Анџело Габриел, Дејвид Вашингтон, Алекс Матос, Харви Вејл и Лукас Бергстром, сите тие се фудбалери на кои Мареска не смета.