Се појави изненадувачки кандидат за клупата на Милан

Како што стојат работите во овој момент, Милан наредната сезона ќе има нов тренер. Стефано Пиоли изгледа ги потроши сите „кредити“.

Се поврзуваа многу имиња со клупата на „росонерите“, меѓутоа сега се открива дека клубот работел во тајност за да го доведе Марсело Гаљардо. Аргентинецот заминува од клупата на Ал Итихад.

За Гаљардо не е првпат да се поврзува со Милан, пред неколку недели беше спомнат во низата имиња, но подоцна некои други тренери се пишуваа во прв план.

Во кариерата Гаљардо работеше во Национал, а најдолго се задржа во Ривер Плата каде што работеше од 2014 до 2022 година. На клупата на Ал Итиха пристигна во ноември лани.