Се пензионираше легендарниот Омејер

Вчера крај на кариерата објави легендарниот француски голман Тиери Омејер.

Ракометната сезона во Франција заврши вчера, а со неа и кариерата на еден од најголемите голмани во овој спорт.

Омејер на чекор од 43-тиот роден одлучи да оди во заслужена пензија, а зад него остава 20 години успешна кариера.

Освои дури 10 златни медали со репрезентацијата на Франција. Пет пати беше светски шампион, три пати шампион на Европа и два пати олимписки победник. Исто така има и сребро од последниот олимписки игри.

На клупски план четири пати ја освојуваше Лигата на шампионите (Со Монпеље во 2003 и Кил во 2007, 2010 и 2012).

Дефинитивно Омејер е еден од најголемите кои се појавиле во ракометот.

https://youtu.be/LSoqxOya4zg