Се е готово: Лукаку пристигна на лекарски прегледи!

Манчестер Јунајтед го продаде Ромелу Лукаку.

Белгискиот напаѓач силно посакуваше да ја напушти екипата од Олд Трафорд и да потпише за Интер, а таа желба на крајот му се оствари.

Лукаку синоќа во друштво на агентот Федерико Пасторело пристигна во Милано, а денеска ќе ги помине лекарските прегледи и ќе потпише петгодишен договор со Нероаѕурите.

Манчестер Јунајтед ќе инкасира 65 милиони евра од овој трансфер, а може да заработи и дополнителни 10 милиони евра низ одредени бонуси.

Исто така, екипата од Олд Трафорд ќе има и пет проценти од наредниот трансфер на белгискиот напаѓач.

Лукаку заминува од Јунајтед после две ипол години и со учинок од 42 постигнати погодоци во 96 настапи за Црвените ѓаволи.

Tutta la gioia di #Lukaku: prima notte da interista e sorrisi nerazzurri! – #Fcinter1908 pic.twitter.com/REIUWca24J

— Fcinter1908 (@fcin1908it) August 8, 2019