Седум поени на Димитријевиќ во победата на Хувентуд со Басконија

Во седмото коло од Ендеса лигата тимот на Хувентуд славеше победа против бранителот на титулата во Шпанија, Басконија.

Хувентуд славеше со 83:82. Со звукот на сирената Баасас погоди тројка која беше петта за него од шест обиди за конечниот резултат. Против бранителот на титулата во Шпанија Хувентуд има скор од пет победи и два порази.

Македонскиот кошаркар Ненад Димитријевиќ натпреварот го заврши со седум поени за нешто повеќе од 14 минути поминати на теренот. Шут од игра имаше 2/11 и 3/3 од линијата за слободни фрлања. Покрај тоа додаде два скока и две асистенции.

Следното коло на 30. октомври Хувентуд ќе гостува кај Фуенлабрада.