Седум години за Арсенал, три за Сити, 353 натпревари во Англија, а сега се нуди на Беневенто!

Некогаш беше еден од најдобрите бекови во светот, а денес не може да пронајде клуб, па мораше самиот себе да се препорача и тоа во најлошиот тим од најсилните пет лиги…

Бакари Сања поранешниот репрезентативец на Франција е понуден на фенерџијата Беневенто од Серија А кој наредната сезона веројатно ќе игра во Серија Б.

Откако во текот на летото му истече договорот со Манчестер Сити, Бакари Сања е без клуб. Неговиот агенти помеѓу останатите го понудиле и на „вештерките“.

Италијанскиот клуб нема ништо против Сања да им се приклучи, но прво на проба со цел да видат во каква физичка форма се наоѓа фудбалерот и дали може веднаш да и помогне на екипата во борбата за опстанок.

Последниот официјален натпревар Сања го одигра во мај 2017 против Вотфорд.

Како и да е Бакари Сања кој одигра седум сезони во Арсенал и три во Манчестер Сити, вкупно 353 натпревари во Англија и тоа како може да биде од корист.