Сега и потврдено: Дани Алвеш го пропушта Мундијалот

Вестите кои доаѓаат од Фудбалскиот сојуз на Бразил тврдат дека Дани Алвеш нема да може да се опорави за Мундијалот и дефинитивно нема да патува во Русија.

Дани Алвеш се повреди на финалето од Купот, а станува збор за оштетување на вкрстените лиганети од коленото. Иако, нема да му биде извршена операција, шансите да се опорави до Светското првенство се практично невозможни.

Докторот на репрезентацијата го посети во Париз и после деталните прегледи заклучи дека нема шанси да се опорави до почетокот на Светското првенство.

Ова сигурно ќе биде голем удар за Бразил бидејќи Алвеш е еден од најискусните и имаше сигурно место меѓу 23-та фудбалери во списокот на селекторот Тите.