Сега и официјално: Гоце Седлоски нов тренер на Широки Брег

Македонската фудбалска легенда Гоце Седлоски е нов тренер на босанскиот Широки Брег.

Она што вчера се најавуваше, денес доби и официјална потврда.

Седлоски на клупата на босанскиот клуб ќе го наследи Борис Павиќ кој беше тренер на Широки само два ипол месеци.

Македонската фудбалска легенда со овој клуб ќе потпише договор на две ипол години.

„Пристигнувам во Широки Брег. Договорот е постигнат и скоро сигурно ќе станам нов тренер на Широки Брег“, изјави вчера Седлоски после пристигнувањето.