Сањол: Моите играчи се спремни да го направат тој историски чекор за Грузија!

Грузија денес забележа сигурна победа против Македонија од 0:3 и со овој триумф се стави себеси во одлична позиција на табелата.

На табелата Грузија има девет бода, Македонија е второпласирана со четири и ќе биде тешко да ги надополниме тие бодови. Селекторот Вили Сањол смета дека неговите играчи се спремни да го направат тој историски чекор и за првпат преку баражот (доколку бидат први во групата) да обезбедат пласман на еден голем турнир.

„Ако ја погледнеме последната година, формата беше промнелива. Во септември имавме повредени играчи и изгубени натпревари. Тешко е да се каже што ќе се случува во иднина, многу зависи од играчите како ќе се наметнат. Јас можам да ја поставам тактиката, но не можам да трчам место нив, не можам да постигнам гол…Она што можам да ви го кажам е дека се амбициозни да го направат тој следен чекор“, изјави Сањол.