Саутгејт: Направивме база за освојување на трофеј во иднина!

Репрезентацијата на Англија не успеа да се пласира во финалето на СП откако беше елиминирана од Хрватска после продолженија.

„Гордиот Албион“ сега ќе игра за бронза, што е исто така голем успех, а селекторот Саутгејт вели дека е поставена базата за нови големи успеси.

„Во моментов сите чувствуваме голема болка. Тешко е да загубиш полуфинале во кое водиш од самиот старт и ќе примиш гол во продолженијата. Имавме голема шанса да влеземе во финалето, но, за жал, не ја искористивме“, изјави Саутгејт.

„Сепак, неизмерно сум горд поради начинот на кој го одигравме мечот и гледам дека исти чуства имаат фудбалерите. Го доведовме најнеискусниот тим од сите и можевме да напредуваме само со вакви мечеви. Тешко беше што и да речам за да ги утешам играчите, вакви порази порано немаат почуствувано во репрезентацијата. Оваа генерација ги подигна критериумите и очекувањата. Сега загубивме во полуфиналето, но веќе на големиот фудбалски собир од овие момци може да се очекува да атакуваат на трофејот“,додаде англискиот селектор,