Само за Роналдо не важи правилото за носење маска

Репрезентацијата на Португалија предводена пристигна во Белград каде што утре ќе го игра натпреварот против Србија во рамките од мундијалските квалификации.

Доаѓањето на Роналдо секако предизвика реакции кај нашиот сосед, а покрај големото внимание Роналдо доби критики. Прво го критикуваа српските медиуми, за потоа сликата од пристигнувањето во Белград да се рашири и низ светските медиуми.

Имено, Роналдо при слетувањето и влегувањето во автобусот беше без маска со што ги прекрши правилата за однесување во време на пандемијата. Ова е јасно прекршување на правилата, но веројатно немаше да биде толку нагласено да не стануваше збор за Роналдо.