Русија конечно најде европски противник: Ќе игра против Србија

Фудбалската репрезентација на Русија во март ќе одигра пријателски натпревар против Србија.

УЕФА потврди дека забраната за меѓународни натпревари против европски селекции на Русија не се однесува на пријателските средби, па така нема пречка Русија да игра против Србија.

Се обидуваа Русите да најдат противник, меѓутоа повеќе репрезентации одбиваа да играат, сепак тој проблем сега е решен. На 21-ви март на стадионот на Динамо Москва ќе гостува Србија.

Откако Русија поради случувањата во Украина беше отстранета од европските фудбал во главно играше пријателски натпревари со селекции од Азија и Африка, како и еден натпревар против Куба.

Беше планиран натпревар против Босна и Херцеговина, но ниту тој не беше одржан поради приговор на босанските репрезентативци. Кога во прашање е руската женска репрезентација тие играа натпревари против Белорусиај, Кина, Иран и Парагвај.