Руни: Дојде моментот кога е најдобро Погба да си замине од Јунајтед

Поранешниот фудбалер на Манчестер Јунајтед, Вејн Руни во разговор за „Скај Спорт“ истакна дека не е задоволен од учинокот на Кристијано Роналдо и Пол Погба.

Руни отворено порача дека според него Пол Погба треба да си замине.

„Мислам дека дојде момент кога е најдобро Погба да си замине од Јунајтед. Тој немаше никакво влијание на резултатите и играта на тимот како што посакуваше од кога се врати во клубот. Кога игра за Франција е целосно друг фудбалер. Враќањето во Јунајтед за него не испадна добро, а ниту за Јунајтед“, изјави Руни.

И со доаѓањето на Роналдо, Руни не забележал подобрување.

„Роналдо постигнуваше важни голови во Лигата на шампионите, хет-трик против Тотенхем, но ако размислувате за иднината мислам дека морате да бирате млади играчи кои се гладни за успех“, додаде сегашниот тренер на Дерби.