Рудигер го шокирал Реал – сака договор вреден 55 милиони евра!

Антонио Рудигер по 30. јуни ќе биде слободен агент откако му истече договорот со Челзи.

Интересот од заинтересираните клубови е голем, а еден од главните кандидати е Реал Мадрид. Стоперот има огромни финансиски барања и не е јасно дали во Реал ќе се согласат да му ги исполнат побараните услови.

Според информациите Рудигер за договор на четири години со Реал побарал огромни 55 милиони евра. Олеснителна околност за Германецот е што Реал не би платил оштета, па затоа и веројатно се обидува да извлече повеќе пари.

Ќе потсетиме Реал на сличен начин минатото лето дојде до потписот на Давид Алаба од Баерн Минхен.