Роналдо си замина, Бензема со фантастичен старт – никогаш не бил подобар!

Почеток од соништата за Французинот.

Кристиано Роналдо го напушти Реал ова лето, навивачите се помирија и сега имаат нови миленици. Еден од нив сигурно е напаѓачот Карим Бензема, кој сезоната ја започна со пет погодоци на четири одиграни натпревари, ако ги гледаме натпреварите во Ла Лига има учинок од четири гол на три натпревари.

Колку оваа сезона е поинаква за Французинот во однос на минатата говорат и бројките. Бензема во минатата сезона постигна чеитри гола дури во 25-тата недела, а тоа беше кон крајот на февруари против Алавес. Во целата претходна сезона постигна само пет погодоци.

На Бензема очигледно му годи отсуството на Португалецот, но и доаѓањето на новиот тренер Лопатеги, кај кого очигледно има поинаква улога отколку кај Зидан.

Напаѓачот на „кралевите“ во последниот натпревар против Леганес постигна два погодоци и очигледно е дека ужива на теренот, а навивачите започнаа и да го скандираат неговото име.

Бејл исто така ја започна фантастично новата сезона и има учинок од три гола на последните три натпревари.