Роналдо: Реал е најдобриот клуб во историјата

Кристиано Роналдо говореше за успесите на Реал Мадрид во претходните години и истакна дека тоа е најголемиот клуб на светот.

Луѓето велат дека Реал Мадрид има среќа во Лигата на шампионите, но… Не, тоа не е точно, не е точно дека тие имаат среќа. Реал Мадрид е едноставно најдобриот клуб во историјата на фудбалот“, изјави Роналдо.

Тој го коментираше и доаѓањето на Килијан Мбапе во „кралскиот“ клуб:

„Мислам дека Килијан ќе направи прилично добри работи во Реал Мадрид. Структурата на клубот е многу добра. Имаат одличен тренер и претседател. Таму сигурно ќе се снајде добро“, заклучи Португалецот.