Роналдо „предаден“ од својот поранешен соиграч: Меси е најдобар, би сакал да ми биде соиграч

Не престануваат притисоците за Аргентинецот.

Фудбалерот на Манчестер Сити, Бразилецот Данило, јавно го повика Лионел Меси од Барселона да му се придружи на „Итихад“ и при тоа порача дека Аргентинецот е најдобриот фудбалер во светот.

Британските медиуми многу шпекулираа за тоа дека Манчестер Сити, односно менаџерот, Пеп Гвардиола има голема желба да го доведе Лионел Меси во редовите на „граѓаните“.

„Имаме многу силен тим, но можеме да играме уште подобро. Меси е голем играч и секако дека би сакал да ми биде соиграч. Тој е најдобриот во светот“, изјави Данило за „Марка“.

Данило изминатото лето пристигна во Манчестер Сити и тоа од редовите на Реал Мадрид, оваа сезона во дресот на клубот од Манчестер одигра девет натпревари во сите натпреварувања.