Роналдо му се нуди на Реал да биде замена за Бензема

Карим Бензема заработи сериозна повреда на последниот тренинг на Франција и ќе го пропушти Мундијалот, а тоа е голем проблем и за Реал Мадрид.

Познато е дека Анчелоти нема адекватна замена за Бензема во тимот, па сега медиумите шпекулираат дека во Мадрид би можел да се врати Кристиано Роналдо.

Роналдо е на излезни врати од Манчестер Јунајтед по неговото контроверзно интервју со Пирс Морган каде го нападна клубот и тренерот, па „црвените ѓаволи“ сакаат да го раскинат договорот.

Роналдо сака да ги искористи повредите на Карим Бензема за одново да го облече дресот на „кралевите“ и шест месеци да настапува на „Сантијаго Бернабеу“.

Португалецот му се понудил на својот поранешен клуб дека е спремен во јануари да се врати во Мадрид и да игра до крајот на сезоната.