Роналдо испрати порака од болницата

Кристијано Роналдо беше известен дека неговата мајка Долорес доживеала мозочен удар, а од клубот очекувано, му дадоа дозвола да отпатува во Португалија за да биде со неа.

Медиумите пишуваат дека на мајката на Роналдо е направена хируршка интервенција за чистење на артериите. Истата поминала добро и за среќа е надвор од животна опасност, а не се чекаше долго во јавноста да се обрати Роналдо.

„Ви благодарам на пораките за поддршка. Мајка ми е стабилна и се опоравува. Јас и моето семејство му се заблагодаруваме на медицинскиот тим и ве молам за малку приватност.“ – напиша Роналдо на Инстаграм профилот.

Повеќе пати во текот на својата кариера Роналдо истакнува голема важност за мајка му, која цел живот се борела, работела неколку работи, за него, неговиот брат и двете сестри им овозможи елементарни услови за живот.

Од Јувенус се уште не соопштиле колку точно Роналдо ќе биде отсутен.

Thank you for all your messages of support for my mum. She is currently stable and recovering in hospital. Me and my family would like to thank the medical team looking after her, and kindly ask that we are all given some privacy at this time.

— Cristiano Ronaldo (@Cristiano) March 3, 2020