Роналдо до Зидан: Горд сум што бев ваш играч, ти благодарам тренеру!

Зидан денес го изненади фудбалскиот свет и го напушти Реал Мадрид, а очекувано после големиот успех на сите во таборот им е жал што остануваат без еден таков стратег.

Голем број фудбалери на Реал Мадрид пронајдоа начин да му се заблагодарат на тренерот кој си поднесе оставка.

Секако интересно беше да се слушне и изјавата на првата ѕвезда на клубот, Кристиано Роналдо, кој неодамна и сам најави заминување.

„Многу сум горд што имав чест да бидам ваш играч. Ти благодарам многу тренеру“, гласеше пораката на Роналдо.

Иначе, Зидан потенцираше дека не го напушта Реал Мадрид поради некој друг клуб како и дека одредено време ќе биде без ангажман.