Роналдо го откри новиот селектор на Бразил: Сите ќе бидат изненадени

Бразил секогаш е помеѓу главните фаворити за освојување на Светското првенство, меѓутоа „Кариоките“ на светска титула чекаат уште од 2002 година.

 Во Катар беа елиминирани од Хрватска на пенали, а со завршувањето на настапот на Мундијалот си замина и селекторот Тите.

Во овој момент Бразилците се во потрага по нов селектор. Новинарите го запрашаа и Роналдо за името на новиот селектор. Според Роналдо и неговите информации нов селектор на Бразил ќе биде тренерот на Флуминенсе, Фернандо Диниз.

„Ако се случи тоа што се најавува сите ќе бидат изненадени. Информациите кои ги имам ми говорат дека нов селектор на Бразил е Фернандо Диниз. Во игра беа и други имиња, но не сакам сега да ги споменувам.

Очекуваме официјална потврда од федерација, иако можеби е раноп за такво нешто. Фернандо Диниз ќе биде голема атракција во репрезентацијата. Под негово водство тимовите играат атрактивно и приредуваат шоу“, изјави Роналдо.