Роналдо: Веруваме дека ќе освојуваме трофеи со Тен Хаг

Ѕвездата на Манчестер Јунајтед, Кристијано Роналдо изјави дека сите играчи на „црвените ѓаволи“ со нетрпение чекаат да почнат да работат со Ерик тен Хаг.

Според Португалецот, на новиот менаџер мора да му се даде време, но сепак верува дека тимот следната сезона ќе се бори за трофеи.

„Знам дека заврши одлична работа во Ајакс и е искусен тренер, но мораме да му дадеме време. Работите мора да се сменат како што тој сака. Секако, се надевам дека ќе биде успешен. Затоа што ако успее, ќе успее цел Манчестер. Затоа му посакувам се најдобро. Сите сме среќни и возбудени. Не само играчите, туку и навивачите на тимот. Да веруваме дека следната сезона ќе освојуваме трофеи“.

„Новата генерација ќе биде иднината на клубот. Јас сум за да се даде шанса на помладата генерација. Доколку децата ме прашаат за совет, ќе им дадам затоа што сакам да помогнам“, изјави Роналдо на веб-страницата на Манчестер Јунајтед.

🗣️ “I wish him the best and let’s believe that we’re going to win trophies.” @Cristiano shares his thoughts on Erik ten Hag, the club’s incredible support and pre-match nerves ahead of his United return in an unmissable episode of Player Diaries 👀#MUFC | #BringingYouCloser pic.twitter.com/I4ghf0YMuf

— Manchester United (@ManUtd) June 3, 2022