Роберто Фирмино го избрал новиот клуб?

Роберто Фирмино на крајот на минатата сезона го напушти Ливерпул каде што играше осум години и сега е во потрага по нов клуб, а како што стојат работите блиску е да го пронајде.

Се поврзуваше Фирмино со Јувентус, Милан, МЛС, меѓутоа изгледа и тој ќе се упати по милионите во Саудиска Арабија. Интерес за Фирмино покажал, Ал Ахли кој експресно се врати од Втората лига откако во минатата испадна.

Ал Ахли за Фирмино испратил понуда за тригодишен договор, а Бразилецот за тој период би заработил 60 милиони евра. Медиумите пренесуваат дека трансферот е блиску до реализација и само лекарските прегледи го делат Фирмино од Ал Ахли каде што неодамна премина голманот на Челзи Едуар Менди.

Во Саудиска Арабија претходно пристигнаа Карим Бензема, Канте, Кулибали, Рубен Невеш, а блиску се и Хаким Зијеш и Марсело Брозовиќ, сигурно дека во наредниот период ќе има и нови европски ѕвезди кои ќе потпишат за клубовите од оваа земја.