Рекордерот во Лигата на шампиони избра за која репрезентација ќе игра?

Голманот на Бенфика, Милер Свилар на мечот против Манчестер Јунајтед стана најмладиот голман во историјата на Лигата на шампиони.

Свилар го сруши рекордот на Икер Касиљас поставен во 1999 година и сана најмладиот голман кој настапил во ЛШ. Несомнено станува збор за најталентираниот голман во светот на негова возраст, па сега главно прашање е за која репрезентација ќе одлучи да настапува.

Свилар ги помина сите возрасни категории на белгиската репрезентација и моментално е голман на У19 селекцијата, меѓутоа во битката се вклучи и Србија бидејќи младиот голман има српско потекло.

„Станува збор за голем талент кој наскоро ќе го облече дресот на Србија. Во контакт сме со неговиот татко и наскоро ќе имаме состанок. Исто така во контакт сме и со стручниот штаб на Бенфика и ги имаме сите потребни информации“.

„Свилар поседува огромен потенцијал и веруваме дека ќе биде голема иднина на српскиот фудбал“, изјави директорот на српската Фудбалска Федерација, Горан Буњувчевиќ.

Младиот голман е син на југословенскиот голман Ратко Свилар кој е по потекло од Србија, а и неговата мајка е исто така од екс-Ју просторите, поточно од Босна.