Реал спрема богата понуда за ѕвезда на Лацио

Реал Мадрид минатото лето плати 60 милиони евра за Лука Јовиќ, а ова лето би можел да купи уште еден српски репрезентативец.

Имено, шпанските медиуми пренесуваат дека приоритет на Реал Мадрид ова лето ќе биде ѕвездата на Лацио, Сергеј Милинковиќ-Савиќ, кој оваа сезона е еден од најдобрите играчи во Серија А.

Лацио за неговата слобода бара 100 милиони евра, но „кралевите“ се обидуваат да ја намалат цената поради кризата од пандемијата и е спремен да плати 70 милиони евра.

Претставници на Реал се во постојан контакт со менаџерот на СМС и ќе направат се за да го донесат на „Сантиаго Бернабеу“.