Реал Мадрид ја закажа презентацијата на Мбапе

Реал Мадрид во вторник на 16 јули официјално ќе ја претстави својата нова ѕвезда Килијан Мбапе на „Сантијаго Бернабеу“, соопшти денеска мадридскиот клуб.

„Пред тоа, претседателот Флорентино Перез ќе биде домаќин на Мбапе, кој и формално ќе потпише петгодишен договор. На крајот од презентацијата Мбапе ќе одговара на прашања на новинарите“, се вели во соопштението.

Мбапе ова лето се пресели во Реал по шестгодишен престој во ПСЖ како слободен агент.