Реал Мадрид демантира: Варан сака да остане!

Во последно време се погласни се шпекулациите дека Рафаел Варан на крајот на сезоната ќе го напушти Реал Мадрид.

Шпанските медиуми пренесоа дека Французинот наводно донел конечна одлука и му соопштил на раководството дека сака да ја промени средината.

Меѓутоа денес пристигна демант директно од Реал Мадрид. Имено, генералниот директор Емилија Бутрагењо категорично демантираше дека Варан сака да си замине од „Сантиаго Бернабеу“.

„Тој е во клубот долго време, има дадено многу за овој дрес и ќе продолжи да го носи и во иднина. Ќе видиме што ќе се случи, но тој е играч на Реал Мадрид и сака да остане“, истакна Бутрагењо.

Juventus ❌
Man Utd ❌

It seems Real Madrid are determined to hold on to Raphael Varane ?https://t.co/wRlCTRjNIx

— Goal News (@GoalNews) April 4, 2019

Варан има важечки договор со „кралевите“ до јуни 2022 година и во него откупна клаузула од вртоглави 500 милиони евра. Зинедин Зидан е категоричен во намерата да го задржи Варан, па клубот ќе направи се за да го убеди дефанзивецот да остане на „Сантиаго Бернабеу“.

Најсилен интерес во моментов покажуваат Манчестер Јунајтед и Јувентус, но „кралевите“ се спремни да му понудат нов, финансиски подобар договор.

Реал нема лесно да се откаже од Варан и им порачал на заинтересираните страни дека ќе треба да го срушат светскиот трансфер рекорд за да дојдат до потписот на Французинот.

Најскап дефанзивец во моментов е Ван Дајк за кого Ливерпул плати 85 милиони евра, а „кралевите“ за слободата на Варан ќе бараат најмалку 90 милиони евра.