Реал го продава Азар по „дисконтна“ цена

Еден Азар е се повеќе разочаран од односот на тренерот Анчелоти и тоа што Италијанецот не му дава доверба.

Белгиецот не е задоволен, иако тоа не го кажува јавно, но веќе одлучил да ја промени средината на крајот на сезоната.

Самиот Реал Мадрид сака да се ослободи од него. Шпанските медиуми пренесуваат дека Азар одбил да се пресели во Њукасл, и покрај фактот што Реал ја прифатил понудата оваа зима. 

„Кралевите“ сакаат да се ослободат од неговата висока плата и се спрмени ова лето да го пуштат за 20 милиони евра, а како фаворит за неговиот потпис се наведува Арсенал.

Азар во 2019 година за 115 милиони евра пристигна во Реал Мадрид, но поради големиот број на повреди никогаш не ги оправда очекувањата.