Раниери: Роналдо проблем? Дајте ми го, нема да ми биде проблем да игра цело време

Во рамките од 12. коло во Премиер лигата утре помеѓу другото силите ќе ги одмерат Вотфорд и Манчестер Јунајтед.

Пред овој натпревар на прес-конференцијата со новинарите зборуваше менаџерот на Вотфорд, Клаудио Раниери. Тема во неговиот разговор беше и Кристиано Роналдо. Роналдо се врати во Јунајтед, но според статистиката многу се пишува дека тој е најголемиот проблем на „црвените ѓаволи“ сезонава.

„Роналдо е еден од најдобрите фудбалери во светот. Неговото враќање за англискиот фудбал е добар знак. Многу млади играчи го гледаат и сакаат да бидат како него. Навистина одлична одлука за фудбалот тука. Дали Роналдо е проблем? Не, не…Дајте ми го Роналдо, нема да ми биде проблем да игра цело време“, изјави Раниери.

Сезонава Роналдо одигра 13 натпревари за Манчестер Јунајтед во кои постигна девет гола и запиша една асистенција.