„Рамос за нас никогаш не бил опција, не ни треба“

Долги години Серхио Рамос важеше за еден од најдобрите дефанзивци  во светот, но во овој момент е без клуб, а според последните најави ќе се пресели во Галатасарај (ТУКА).

Рамос се поврзуваше и со трансфер во неговиот поранешен клуб, Севиља, но од шпанскиот клуб се огласија и порачаа дека Рамос летово во ниту еден момент не бил во нивните планови.

„Како и секој преоден рок, така и за овој имавме план. Рамос не беше опција во ниту еден момент, тој не ни треба. Имавме само некои директни и индиректни понуди“, изјави првиот човек на Севиља, Пеп Кастро.

Севиља вечерва ја очекува финалето во европскиот Суперкуп каде што во битката за трофејот ќе се соочи со Манчестер Сити (ТУКА).