Рамос го молел Озил, ова е неговата порака!

Арсен Венгер синоќа говореше за Озил и Санчез, а притисокот над двајцата играчи продолжува.

Тренерот на Арсенал, Арсен Венгер изјави дека Месут Озил ќе остане во Арсенал до крајот на сезоната, но не сакаше да зборува за неговиот договор кој истекува токму тогаш. Слична е ситуацијата и со Алексис Санчез.

Тоа значи дека Озил е слободен да преговара со други клубови по јануари, може да договори трансфер кој ќе биде реализиран по завршувањето на оваа сезона. Барселона е еден од клубовите кои се јавија, а се јави и Рамос и тоа директно на Озил.

Рамос и поранешниот соиграч Месу Озил и понатаму добро се согласуваат. „Don Balon“ пренесува дека Рамос го молел Озил да не си оди во Барселона и дека тоа би бил многу лош потег во неговата кариера.