Раиола го носи норвешкото „чудо од дете“ на Олд Трафорд

Ерлинг Халанд синоќа ја импресионираше Европа, го повтори подвигот на Вејн Руни и успеа да постигне хет-трик во најелитното натпреварување.

Синоќа во дресот на Салзбург го бомбадираше голот на белгискиот Генк, на крајот клубот од Австрија славеше со 6:2. Се разбира, веднаш се појавија прашањата каде младиот Норвежанец ќе ја продолжи кариерата, најдобра шанса му се дава на Манчестер Јунајтед поради три причини.

Солскјер веќе работеше со тинејџерот, Халанд настапуваше во Молде под покровителство на сегашниот тренер на „Црвените ѓаволи“. Самиот Солскјер го пофали, но не одговори дали 19-годишниот е на листата на потенцијални засилувања.

Втората причина е Мино Раиола. Познатиот фудбалски агент го претставува младито Норвежанец, на „Олд Трафорд“ има неколку свои клиенти како Погба, своевремено ги донесе и Лукаку и Санчез, така да Италијанецот има добри врски со англискиот клуб.

И секако третата причина, на Јунајтед очајнички му треба класична деветка по заминувањето на Лукаку. Рашфорд се уште не покажа дека е зрел за ваква улога, на Англичанецот повеќе му оди на крило со Марсијал. Неверојатниот Норвежанец оваа сезона забележи девет настапи за Салзбург и постигна неверојатни 17 гола.