Пуштени во продажба билетите за натпреварот на Струга против Будуќност по цена од 500 денари

Екипата на Струга ги пушти во продажба билетите за натпреварот од второто квалификациско коло во Конференциската лига помеѓу Струга Трим Лум и Будуќност.

Билетите се во продажба по цена од 500 денари, а може да се купат и онлајна на „karti.com.mk“, а исто така можат да се купат и од „Емпире бар“.

Претходно Струга во квалификацискиот натпревар за Лигата на шампионите против Жалгирис продаваше билети по 1.200 денари со кои следуваше и тимска маичка, но и со таква цена стадионот „Билијани Извори“ беше исполнет.

Натпреварот против Будуќност се игра на 26-ти јули со почеток од 17:00 часот.