ПСЖ го „краде“ Ренато Санчез пред носот на Милан

Француските медиуми пренесуваат дека ПСЖ е пред комплетирање на трансферот на Ренато Санчез од Лил.

Португалскиот играч за врска беше на чекор од трансфер во Милан, но сега ПСЖ успеа да го „украде“ пред носот на „росонерите“.

Милан и Лил постигнаа договор, но бидејќи трансферот се уште не беше комплетиран ПСЖ на Санчез му понуди двојно поголема плата.

Новиот спортски директор на „светците“, Луис Кампос го донесе Португалецот во Лил, а нов тренер на ПСЖ ќе биде Галтие кој како прва желба го посочил Ренато Санчез.

Милан нема финансиска моќ да ја израмни понудата на ПСЖ, па Португалецот најверојатно ќе заврши во Париз.