Пропадна голем трансфер во последниот ден од преодниот рок: „Неразбирливо однесување“

Вчера, 1 јануари 2024 година, се случија многу трансфери бидејќи беше последниот ден од зимскиот преоден рок во повеќето фудбалски лиги, но не сите завршија среќни.

Лион веќе на големо го славеше доаѓањето на големото засилување на Бенхрама од Вест Хем. Фудбалерот отпатува за Лион за да го комплетира трансферот во францускиот тим пред 22 часот. Договорена беше позајмица со обврска за откуп за повеќе од 15 милиони фунти.

Сепак, и покрај тоа што Лион тврдеше дека се е договорено, трансферот пропадна во последен момент, а тимот од Лига 1 го обвини Вест Хем.

Во соопштението објавено од францускиот клуб се вели: „Олимпик Лион е среќен што го пречекува Саид Бенрама во Лион овој четврток за да го финализира неговиот трансфер од Вест Хем. Двата клуба потпишаа привремен договор за трансфер и Олимпик Лион доби одобрение од DNCG дека трансферот се одвива непречено и транспарентно.

Сепак, на почетокот на вечерта, додека Олимпик Лион ги внесуваше сите административни податоци на платформата на ФИФА (ФИФА ТМС), Вест Хем не покрена ни најмала техничка процедура од нивна страна, и покрај постојаното потсетување од ОЛ и континуираната меѓусебна телефонска комуникација.

Во отсуство на оваа постапка на англискиот клуб и по ваквото несфатливо однесување, кое отвора прашања, не можеше да се побара потврда за меѓународниот трансфер пред затворањето.

Олимпик Лион длабоко жали за оваа ситуација и оваа одлука, покажувајќи длабок недостаток на почит од страна на Вест Хем кон институцијата и кон играчот.