Продолжува серијата на Беласица: Струмичани постигнаа два гола во последните минути за пресврт и победа

Екипата на Беласица продлжува да реди победи во домашното првенство како да е тим кој се бори за титулата, а не тим кој е во долниот дел од табелата.

Струмичани денес направија пресврт и тоа со два гола во финишот, 86-тата минута и 91-та минута (3:2).

Изгледаше дека Ренова ќе ја запре Беласица, но Милушев и Герогиев погодуваа во финишот за победа на тимот од Струмица. Со оваа победа Беласица дојде на бод од местото за бараж на кое е Силекс и три од Работнички кој денес одигра реми во градското дерби против Вардар (1:1)

Беласица во последните натпревари ги победи Шкендија, Академија Пандев и Македонија ЃП, додека со Вардар одигра реми 1:1.

Силекс на гости кај Шкендија одигра реми без голови, Македониај Ѓ.П минимално славеше против Шкупи со 1:0, додека Академија Пандев однесе убедлив триумф против Победа од 4:0.