Проблем за Романците пред дуелот со Македонија: Селекторот нема да ја предводи селекцијата

Селекторот на романската фудбалска репрезентација Мирел Радои нема да ја предводи селекцијата на натпреварот против Македонија.

Радои е позитивен на Ковид-19 и мора да биде во изолација, а неговото место ќе го замени асистентот Николае Дича.

„Радои се чувствува добро, без никакви симптоми. Тој е во изолација, и сосема јасно ние останатите од стручниот штаб ќе го водиме тимот во следниот период.“- рече асистентот Дича.

Квалификацискиот натпревар за пласман на СП 2022 помеѓу Романија и Македонија ќе се одигра на 25 март.